SAR TE LABǍRES TEKSTE P-I ĆHIB RROMANI K-O KOMPJUTERI PC ?

Buteder maśkar-o komputèrǎ si len andre sa so kamlǒl pes kaj te keren buti p-i ćhib rromaní

Sar te arakhes avri val si anda tiro komputèri sa so kamlǒl pes, val na ?

Dikh: [ƷƷ]

• Te dikhlǎn vareso sar "triànda trin" maśkar-o parantèze, atòska si tut and-i elektrogodǐ o patrana (fònta) Arial Unicode, save śajaren te drabaves tèkste rromane p-o ekràni thaj te printisares len.

• Te dikhlǎn vareso aver maśkar-o parantèze, atòska kampel te ćhives anda tiri elektrogodǐ i fònta (patrana) ArialUnicodeMS rromani sar mothovas maj tele.

Śaj te dikhes vi averćhande val si ja val naj i fònta ArialUnicodeMS rromani putarindor i lìsta "Fonts" katar-i tabèla "Formatting" (opre anda tiro ekràni kana si putardo k-o dokumènto WORD).

SAR TE ĆHIVES ANDA TIRI ELEKROGODǏ O PATRANA ArialUnicodeMS rromani

1. Sar te drabaves rromane tèkste ?

Te kamlǎn sadaj te drabaves rroane tèkste p-i eletronikani vèrsia, kampel te ladaves i fònta and-i elektrogodǐ, kerindor klik and-i zòna maj tele :

LADAV DURAL ArialUnicodeMS rromani

Andre si te arakhes sa i rromani alfabèta thaj vi aver simbòle sar i Maśkarthemutni Fonetikani Alfabèta.

Te xuterdǎn tèksto rromanes, tov katar-o @-mail, tov diskoça, khetane jekhe fontaça ArialUnicodeMS rromani (so lesqi ikòna si jekh duziglo duje "T"-ençar opre) thaj te ondilo tut vi maj anglal i vipal fònta vàjke i generàlo fònta Arial Unicode MS, atòska ma le la angl-i jekh, ker sarkaj na bićhalde la tuqe.

Pala so ladavdǎn tele ArialUnicodeMS rromani, cirde la ʒi k-i ikòna "Fonts", savi śaj te arakhes andre and-o foldèri "Configuration Panel" (and-o "My Computer").

Kana i fònta (o patrana) ArialUnicodeMS rromani arakhlǒn and-o foldèri "Fonts", śaj te phàndes sa o voxninǎ thaj te putres savo-tovel tèksto rromani, tov p-o internet, tov pe jekh dìsko. Te areslǎn baxtagoreça k-o agor e operacienqo, sarkon tèksto si te dikhǒl bi dośaqo and-o ekràni thaj si te printisaven bi dośaqo (śaj te kampel te murdes aj te laves palem ti elektrogodǐ).

AKAVA SI SA SO KAMLǑL PES TE KERES !